Frá hesthúsahverfi í Búðardal er farið niður að og niður með Laxá uns komið er að Vestfjarðavegi, þá er riðið yfir brú sem sérstaklega er ætluð ríðandi og gangandi umferð. Síðan er riðinn reiðvegur sem að mestu leiti fylgir þjóðvegi 60 (Vestfjarðavegi). Farið er yfir gamla brú á Haukadalsá og er þar betra að teyma yfir á meðan ekki er búið að laga brúarhandriðin. Áningahólf eru tvö á leiðinni, annað við sauðfjárveikivarnagirðingu á milli Hrútsstaða og Þorbergsstaða og hitt í landi Álfheima, rétt sunnan við akveginn inn Haukadal. Leiðin er um 17 km.

GPS ferill yfir stóran hluta leiðarinnar (farið frá Búðardal og sveigt niður að Miðá hjá Miðskógi, farið yfir ána og að Hamraendum): Búðardalur - Hamraendar

Bláar leiðir eru aðalleiðir, rauðar leiðir aukaleiðir og grænar þar sem ríða þarf á akvegi. Heil lína er teiknuð nákvæmlega, yfirleitt eftir GPS ferli en rofin lína er ekki nákvæm. Kort birt með leyfi frá Garmin á Ísklandi, Samsýn og Landmælingum Íslands.