Hér hafa reiðleiðir verið teiknaðar inn Garmin GPS kort með leyfi frá Samsýn, Garmin á Íslandi og Landmælingum Íslands (sjá nánar hér).
Bláar línur eru aðalleiðir (mikið farnar).
Rauðar línur eru aukaleiðir, minna farnar, sumar erfiðar.
Grænar línur eru þar sem ríða þarf á akvegi (nema um mjög fáfarna akvegi sé að ræða).
Heilar línur eru teiknaðar nokkuð nákvæmlega, yfirleitt eftir GPS ferli. Brotnar línur eru hins vegar ónákvæmt teiknaðar.
Leiðirnar eru númeraðar frá 1-53 (sjá lista hér neðar). Nokkur númer vantar inní sem skýrist af því að nokkrar leiðir hafa að ýmsum ástæðum verið teknar út frá fyrstu birtingu þessa vefs en til að valda ekki ruglingi var ákveðið að láta númer halda sér.
Ef smellt er á nafn leiðar í listanum hér að neðan er komið á sérsíðu þeirrar leiðar þar sem henni er lýst með korti og texta.
Víða vantar enn GPS ferla en áfram er unnið að söfnun þeirra. Ferðafólk sem á GPS ferla af einhverjum að þessum leiðum er beðið um að hafa samband við vefstjóra. Allir GPS ferlar á þessum vef eru á .gdb formi fyrir Garmin tæki.
Við hvetjum hestamenn til að skipuleggja ferðir sínar í samráði við landeigendur og bendum á lög og reglur þar að lútandi, sjá nánar hér.